فتوی نمبر : 658
نکاح میں کسی اور کا نام لے کر نکاح کرنا

نکاح میں کسی اور کا نام لے کر نکاح کرنا

کیا کہتے علماء کرام اس مسئلہ کے بارے میں کہ عشرت نامی لڑکی کا نکاح زاہد نامی لڑکے سے کیا گیا نکاح ایسے ہوا کہ عشرت موجود نہیں تھی اس کی بڑی بہن نصرت کو بٹھا کر عشرت کا نام لے کر قبول قبول کرایا گیا اور انگھوٹا کا نشان بھی نصرت کا لگوایا گیا عشرت نکاح میں موجود نہیں تھی کیوں کہ عشرت گھر چھوڑ کر چلی گئی تھی کہ وہ کہیں اور نکاح کرلے ، اور کرلے بھی تو پھر اسے واپس لے کر آیا جاسکے ، اس لیے ایسا نکاح کیاگیا ۔
سوال یہ ہے کہ اب نکاح عشرت کا ہوگا یا نصرت کا ؟ کیوں کہ ایجاب وقبول اور انگوٹھا کا نشان نصرت نے کیا مگرنام عشرت کا استعمال کیا ، ایسی صورت میں نکاح ہو اکہ نہیں ؟ اگر ہوا ہے تو اس کا عشرت کا یا نصرت کا ؟
براہ کرم! اسلامی رو سے اس نکاح کی حقیقت بیان کریں۔

اَلجَوَابْ بِاسْمِ مُلْہِمِ الصَّوَابْ

پوچھی گئی صورت میں اگر نصرت نے عشرت کی رضامندی سے اس کی طرف سے وکیل بن کر ایجاب وقبول کیا ہے تو یہ نکاح عشرت کا ہی ہوا ہے اور عشرت کی طرف سے قبول نہیں کیا تو یہ نکاح نصرت کا ہوگا ۔

حوالہ جات

الهندية: (1/ 270، ط:دارالفكر)
ولو كان ‌لرجل ‌بنتان كبرى اسمها عائشة وصغرى اسمها فاطمة وأراد أن يزوج الكبرى وعقد باسم فاطمة ينعقد على الصغرى .

النهر الفائق:(2/ 179، ط: دار الكتب العلمية )
ولو ‌كان ‌له ‌كبرى تدعى زينب وصغرى تدعى فاطمة أراد تزويج الكبرى غير أنه سماها باسم الصغرى غلطاً انعقد على الصغرى .