قربانی کا گوشت بطور زکوۃ دینے سے زکوۃ کی ادائیگی کا حکم

اگرکسی شخص نے واجب قربانی کی اور اس میں سے جو گوشت حاصل ہوا وہ زکوٰۃ کے طور پر کسی فقیر کو دے دیا تو کیا اس طرح زکوٰۃ ادا ہو جائے گی

اَلجَوَابْ بِاسْمِ مُلْہِمِ الصَّوَابْ

واضح رہےکہ قربانی اور زکوٰۃ دو علیحدہ علیحدہ فرائض ہیں،ان میں سے کسی ایک کی ادائیگی سے دوسرا فریضہ ادا نہیں ہوتا،لہذا پوچھی گئی صورت میں قربانی کا گوشت زکوٰۃ کی مد میں دینے سے زکوٰۃ ادا نہیں ہوگی۔

حوالہ جات

*أحكام القرآن للجصاص:(3/ 309،ط: دار الكتب العلمية)*
{فكلوا منها وأطعموا البائس الفقير} وقال النبي صلى الله عليه وسلم في لحوم الأضاحي: "فكلوا وادخروا" فجعلوا الثلث للأكل والثلث للادخار والثلث للبائس الفقير.

*الشامية:(6/ 328،ط:دارالفكر)*
وإذا دفع اللحم إلى فقير بنية الزكاة لا يحسب عنها في ظاهر الرواية،