ایک عورت کا انتقال ہوگیا ہےجسکی کوئی اولاد نہیں ہےشوہر بھی پہلے وفات پا چکا ہےعورت کا ایک مکان اور کچھ ساز و سامان ہے عورت کے بھائی، بہن ہیں۔۔۔جبکہ شوہر کے بھتیجے کی بیوی زندہ ہے۔۔۔۔باقی کوئی رشتہ دار نہیں ہے۔۔۔۔ مکان اور سازوسامان میراث میں کس کو ملے گا اور کس ترتیب سے ملے گا؟
واضح رہے کہ پوچھی گئی صورت میں مذکورہ عورت کے ورثا میں صرف بھائی اور بہنیں موجود ہیں، لہٰذا میراث انہی میں تقسیم ہوگی، شریعت کے مطابق ہر بھائی کو دو بہنوں کے برابر حصہ ملے گا، جبکہ ہر بہن کو ایک بھائی کے مقابلے میں نصف حصہ دیا جائے گا، البتہ بھتیجے کی بیوی وارث نہیں، اس لیے وہ میراث سے محروم رہے گی اور اسے ترکے میں سے کوئی حصہ نہیں ملے گا۔
*القرآن الکریم:(النساء 176:4)* ﴿وَإِن كَانُوٓاْ إِخۡوَةٗ رِّجَالٗا وَنِسَآءٗ فَلِلذَّكَرِ مِثۡلُ حَظِّ ٱلۡأُنثَيَيۡنِۗ يُبَيِّنُ ٱللَّهُ لَكُمۡ أَن تَضِلُّواْۗ وَٱللَّهُ بِكُلِّ شَيۡءٍ عَلِيمُۢ ١٧٦﴾ *البحر الرائق: (8/ 565،ط:دارالکتاب الاسلامی)* قال رحمه الله (والأخوات لأب وأم كبنات الصلب عند عدمهن) أي عند عدم البنات وبنات الابن حتى يكون للواحدة النصف وللثنتين الثلثان ومع الإخوة لأب وأم {للذكر مثل حظ الأنثيين} [النساء: 11] لقوله تعالى {قل الله يفتيكم في الكلالة إن امرؤ هلك ليس له ولد وله أخت فلها نصف ما ترك وهو يرثها إن لم يكن لها ولد فإن كانتا اثنتين فلهما الثلثان مما ترك وإن كانوا إخوة رجالا ونساء فللذكر مثل حظ الأنثيين}