فتوی نمبر : 909
اذان کے وقت کتے کا بھونکنا

اذان کے وقت کتے کا بھونکنا

السلام علیکم ورحمۃاللہ وبرکاتہ مفتیان کرام
مسئلہ یہ ہے کہ ہمارے پروس میں کتا ہے جب آذان کا وقت ہوتا ہے تو وہ کتا بھی آذان کا نقل کرتا ہے تو اس صورت میں اس کا کیا حکم ہے آیا کتے کو منع کیا جائے یا چھوڑا جائے؟

اَلجَوَابْ بِاسْمِ مُلْہِمِ الصَّوَابْ

اذان کے وقت اگر کتا بھونکتا ہے تو یہ کوئی قابلِ اعتراض یا پریشانی کی بات نہیں، نہ ہی کتے کو اس پر روکا جائے گا، کیونکہ یہ اس کی فطری کیفیت ہے۔
احادیثِ مبارکہ سے معلوم ہوتا ہے کہ جب اذان دی جاتی ہے تو شیطان اذان کی آواز سن کر پیٹھ پھیر کر بھاگتا ہے اور بعض روایتوں میں ہے کہ وہ ریح(ہوا)خارج کرتے ہوئے بھاگتا ہے، تاکہ اذان کی آواز نہ سنے۔ بعض اوقات اللہ تعالیٰ جانوروں کو شیطان کی موجودگی یا بھاگنے کی کیفیت دکھا دیتے ہیں، جس سے وہ گھبرا کر آواز نکالتے ہیں۔

حوالہ جات

صحيح مسلم:(رقم الحديث:16-(389)،ط: دارطوق النجاة)
عن أبي هريرة عن النبي ﷺ قال: « إن الشيطان إذا سمع النداء بالصلاة أحال له ضراط حتى لا يسمع صوته، فإذا سكت رجع فوسوس. فإذا سمع الإقامة ذهب حتى لا يسمع صوته، فإذا سكت رجع فوسوس.

سنن أبي داؤد:(رقم الحديث:516،ط:دار الرسالة العالمية)
عن أبي هريرة، أن رسول الله - صلى الله عليه وسلم - قال:إذا نودي بالصلاة أدبر الشيطان، وله ضراط حئى لا يسمع التأذين، فإذا قضي النداء أقبل، حئى إذا ثوب بالصلاة أدبر، حتى إذا قضي التثويب أقبل، حتى يخطر بين المرء ونفسه، ويقول: اذكر كذا، اذكر كذا، لما لم يكن يذكر، حتى يظل الرجل إن يدري كم صلى.

کذا فی فتاوی محمودیہ:(443/5، ط: ادارۃ الفاروق)