ایک وضو میں مسواک کیا اسی وضو سے کئی نمازیں پڑھنے سے ہر نماز میں مسواک کے ثواب کا حکم

سوال : مسواک کے ساتھ ظہر کے وضو سے ظہر, عصر, مغرب, عشاء یعنی چار نمازیں ادا کیں تو کیا تمام نمازوں کا ثواب مسواک کے ساتھ پڑھی جانے والی نماز کے ثواب (ستر گنا) کے برابر شمار کیا جائے گا ؟
نیز کیا وضو کے ساتھ کی جانے والی ہر عبادت ستر گنا بڑھ جائے گی مثلا" ذکر و تلاوت وغیرہ؟

اَلجَوَابْ بِاسْمِ مُلْہِمِ الصَّوَابْ

واضح رہے کہ وضو میں مسواک کرنا سنت ہے، حدیث میں آیا ہے کہ جس نماز کے لیے مسواک کی جائے وہ بغیر مسواک والی نماز سے ستر گنا زیادہ فضیلت رکھتی ہے،چونکہ مسواک کرنا وضو کی سنت ہے، اس لیے جب کوئی شخص وضو کے وقت مسواک کر لیتا ہے تو اس وضو کے ساتھ جتنی بھی نمازیں ادا کرے گا ہر نماز میں مسواک کا ثواب شامل ہوگا، ہر نماز کے لیے دوبارہ مسواک کرنا ضروری نہیں۔
واضح رہے کہ احادیث میں صرف نماز کا ذکر ہے، اس لیے ستر گنا ثواب کی تصریح نماز کے لیے ہے، لیکن ذکر،تلاوت، دعا وغیرہ دیگر عبادات میں بھی ان شاء اللہ مسواک کی برکت شامل ہوگی۔

حوالہ جات

*السنن الكبرى للبيهقي:(1/ 62 رقم الحديث:159،ط:دارالكتب العلمية)*
«عن عائشة، قالت: قال رسول الله صلى الله عليه وسلم: " ‌تفضل ‌الصلاة ‌التي ‌يستاك لها على الصلاة التي لا يستاك لها سبعين ضعفا ".»

*مرقاةالمفاتيح:(401/1،ط: دارالفكر)*
(وعنها): أي: عن عائشة (قالت: قال رسول الله ﷺ: «تفضل الصلاة: أي: تزيد في الفضيلة وزيادة المثوبة» التي يستاك لها «: أي عند الوضوء» «على الصلاة التي لا يستاك لها سبعين» «مفعول مطلق أو ظرف أي: تفضل مقدار سبعين. وقوله» ضعفا «تمييز أريد به مثل العدد المذكور. في القاموس: ضعف الشيء بالكسر مثله أو الضعف المثل إلى ما زاد اهـ. واختار ابن حجر الأخير والأظهر هو الأول.

*الجوهرة النيرة:(6/1،ط: المطبعة الخيرية)*
ثم السواك عندنا من سنن الوضوء وعند الشافعي من سنن الصلاة وفائدته إذا توضأ للظهر بسواك وبقي على وضوئه إلى العصر أو المغرب كان السواك الأول سنة للكل عندنا.