فتوی نمبر : 532
بینک میں ملازمت کر نے والے شخص کے ہاں کھانا کھانا

بینک میں ملازمت کر نے والے شخص کے ہاں کھانا کھانا

میرے بھائی بینک میں اچھے پوسٹ پر ہیں میں ان کے گھر کھانا نہیں کھاتی تھی لیکن اب بات بری ہوجاتی ہے اوران کا ایک بیٹا کسی کمپنی میں حلال کام کرتا ہے اسی طرح ان کی آمدنی میں دومکانات اور دو دوکانوں کا کرایہ بھی ہے اور میرے بھائی اب ریٹائرہونے والے ہیں
پوچھنا یہ تھاکہ کیا میں ان کے گھر تھوڑا بہت کھاسکتی ہوں کہ نہیں ؟

اَلجَوَابْ بِاسْمِ مُلْہِمِ الصَّوَابْ

پوچھی گئی صورت میں اگران کی اکثرکمائی حلال کی ہے تو ان کے ہاں کھانے کی گنجائش ہے اور اگر ان کا اکثر مال حرام ( بینک ملازمت ، وغیرہ) کا ہو تو پھر ان کے ہاں کھانے سے پرہیز کرنا ہی بہتر ہے ۔

حوالہ جات

الهندية: (5/ 342، ط:دارالفكر)
أهدى ‌إلى ‌رجل ‌شيئا أو أضافه إن كان غالب ماله من الحلال فلا بأس إلا أن يعلم بأنه حرام، فإن كان الغالب هو الحرام ينبغي أن لا يقبل الهدية، ولا يأكل الطعام إلا أن يخبره بأنه حلال ورثته أو استقرضته من رجل، كذا في الينابيع.

الأشباه والنظائر :(ص96، ط: دار الكتب العلمية)
إذا كان غالب ‌مال ‌المهدي ‌حلالا، فلا بأس بقبول هديته، وأكل ماله ما لم يتبين أنه من حرام.