فتوی نمبر : 155
بینک سے قرض لینا

بینک سے قرض لینا

میں بینک سے سود پر قرض لے کر بزنس کر رہا ہوں کاروبار اشیاء خردونوش کا ہے اور بالکل حلال اور جائز ہے ۔
براہ کرم ! یہ بتائیں کہ اس طرح لون (قرض) لینا کیساہے ؟ اس کاروبار سے جو میں بینک سے پیسے لے کر کر رہاہوں حلال ہے یا حرام ؟

اَلجَوَابْ بِاسْمِ مُلْہِمِ الصَّوَابْ

واضح رہے کہ بینک سے سود ی قرض لینا دیناسخت گناہ اور حرام ہے،اس پر توبہ استغفار کرنا لازم ہے، البتہ اگر کسی نے بینک سے سودی قرض لے کر کاروبار کیا تو اس کاروبار سےحاصل شدہ نفع حلال ہے ،تاہم مکمل حلال وطیب بھی نہیں ہوگااور سود ادا کرنے کا گناہ بھی ہوگا،اس لیے ایک مسلمان کو چاہیے کہ اپنے آپ کو سودی قرض سے محفوظ رکھے ،اور سودی قرض لے کر کاروبار نہ کرے ۔

حوالہ جات

القرأن الكريم :(البقرة2: 278)
أَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَذَرُواْ مَا بَقِيَ مِنَ ٱلرِّبَوٰٓاْ إِن كُنتُم مُّؤۡمِنِينَ.

صحيح مسلم: (رقم الحديث :106 - (1598، ط : دار طوق النجاۃ )
عن جابر قال: ‌لعن ‌رسول الله صلى الله عليه وسلم آكل الربا وموكله، وكاتبه وشاهديه، وقال: هم سواء .

تكملة فتح الملهم : 1/619 ، ط : دارالعلوم كراتشي
قوله ( وموكله ) يعني الذي يودي الربا الي غيره فاثم عقد الربا والتعامل به سواء في كل من الأخذ والمعطي .... ولهذا جاز اعطاءه عندالضرورة الشديدة .