عضو هيئة كبار العلماء
السؤال
سوال: ایک شخص نے آن لائن گیمز کھیلی، جس کے نتیجے میں اسے 60 لاکھ روپے انعام میں ملے۔ اس نے ان میں سے 40 لاکھ روپے کاروبار میں لگا دیے، یعنی کسی شخص کو 40 لاکھ روپے کا سامان خرید کر فروخت کرنے کے لیے دے دیا۔ اب دریافت طلب امر یہ ہے کہ آن لائن گیمز کھیلنے سے حاصل ہونے والی انعامی رقم شرعاً جائز ہے یا ناجائز؟ نیز اس رقم سے کاروبار کرنا اور اس کے ذریعے حاصل ہونے والا منافع شرعاً درست ہے یا نہیں؟
اَلجَوَابْ بِاسْمِ مُلْہِمِ الصَّوَابْ
اسلامی تعلیمات کی رو سے کسی کھیل یا گیم کے جائز ہونے کے لیے چند شرائط ہیں: 1)کھیل بذاتِ خود جائز ہو اور اس میں کوئی ناجائز بات شامل نہ ہو۔ 2) اس میں دینی یا دنیاوی فائدہ ہو، جیسے جسمانی ورزش یا تعلیمی نفع۔ 3).کھیل کے دوران غیر شرعی امور (موسیقی، تصاویر وغیرہ) شامل نہ ہوں۔ 4) کھیل میں اس قدر انہماک نہ ہو کہ فرائض یا واجبات میں غفلت پیدا ہو۔ لہٰذا وہ گیمز جن میں دینی نہ دنیاوی فائدہ ہو، بلکہ صرف وقت کا ضیاع ہو، ان کا کھیلنا ناجائز ہے،اسی طرح وہ گیمز جن میں موسیقی یا جاندار کی تصاویر ہوں وہ شرعاً حرام ہیں۔ پوچھی گئی صورت میں آن لائن گیمز میں عموماً یہ قباحتیں پائی جاتی ہیں ، لہذا یہ گیمز کھیلنا اور جیت کر انعامات وصول کرنا اور ان پیسوں سے کاروبار کرنا جائز نہیں ۔
القرأن الكريم :(لقمان31: 6) وَمِنَ ٱلنَّاسِ مَن يَشۡتَرِي لَهۡوَ ٱلۡحَدِيثِ لِيُضِلَّ عَن سَبِيلِ ٱللَّهِ بِغَيۡرِ عِلۡمٖ وَيَتَّخِذَهَا هُزُوًاۚ أُوْلَٰٓئِكَ لَهُمۡ عَذَاب مُّهِين . تفسير روح المعاني:(11/ 66، ط:دار الكتب العلمية ) ولَهْوَ الْحَدِيثِ على ما روي عن الحسن كل ما شغلك عن عبادة الله تعالى وذكره من السمر والأضاحيك والخرافات والغناء ونحوها . الدرالمختار : (6/ 349، ط: دارالفكر) وفي البزازية استماع صوت الملاهي كضرب قصب ونحوه حرام لقوله عليه الصلاة والسلام «استماع الملاهي معصية والجلوس عليها فسق والتلذذ بها كفر .
دارالافتاء جامعہ دارالعلوم حنفیہ (نعمان بن ثابت)