وگ لگی ہونے کی صورت میں وضو اور غسل کا حکم

واضح رہے کہ انسان کے بالوں سے بنائی گئی وِگ پہننا شرعاً جائز نہیں، اسی طرح خنزیر کے بالوں سے بنی ہوئی وِگ کا استعمال بھی جائز نہیں،البتہ اگر وِگ مصنوعی بالوں یا ایسے جانور کے بالوں سے بنی ہو جن کا استعمال شرعاً جائز ہے اور اسے لگانے سے کسی کو دھوکا دینا مقصود نہ ہو، تو ایسی وِگ کا استعمال جائز ہے، خواہ وہ مستقل طور پر لگائی جائے یا عارضی طور پر۔ وضو اور غسل کے اعتبار سے اس کی تفصیل یہ ہے کہ اگر مصنوعی بال اس طرح سر کے ساتھ مستقل طور پر پیوست ہوں کہ انہیں اتارنا مشکل ہو تو وہ سر کے ساتھ متصل بالوں کے حکم میں ہوں گے، ایسی صورت میں وضو کرتے ہوئے ان پر مسح کرنا جائز ہوگا اور فرض غسل بھی انہیں اتارے بغیر ادا ہوجائے گا، بشرطیکہ پانی سر کی جلد تک پہنچنے سے رکا ہوا نہ ہو۔ اگر وِگ عارضی طور پر لگی ہوئی ہو اور اسے آسانی سے اتارا جاسکتا ہو تو غسل کرتے وقت اسے اتارنا ضروری ہوگا، تاکہ پانی سر کی جلد تک پہنچ سکے، البتہ وضو میں چونکہ پورے سر کا مسح فرض نہیں، بلکہ چوتھائی سر کا مسح فرض ہے، اس لیے اگر وِگ سے باہر سر کا کم از کم چوتھائی حصہ موجود ہو تو اسی پر مسح کرلینا کافی ہوگا اور وِگ اتارنے کی ضرورت نہیں ہوگی، لیکن اگر وِگ نے اس طرح پورے سر کو ڈھانپ رکھا ہو کہ چوتھائی سر پر بھی مسح ممکن نہ ہو تو وِگ ہٹا کر کم از کم چوتھائی سر پر مسح کرنا ضروری ہوگا، لہٰذا پوچھی گئی صورت میں اگر وِگ عارضی طور پر لگی ہوئی ہے اور سر کے اطراف یا پیچھے موجود اصلی بال چوتھائی سر کی مقدار کے برابر ہیں تو وِگ اتارے بغیر انہی اصلی بالوں پر مسح کرنے سے وضو درست ہوجائے گا اور اگر وِگ پورے سر کو ڈھانپے ہوئے ہو تو اسے ہٹا کر کم از کم چوتھائی سر پر مسح کرنا ضروری ہوگا، اسی طرح فرض غسل میں بھی اگر وِگ کے ہوتے ہوئے پانی سر کی جلد تک نہیں پہنچتا تو وِگ اتارنا ضروری ہوگا، کیونکہ غسل میں سر کی جلد تک پانی پہنچانا فرض ہے ۔

صحيح البخاري:(165/7،رقم حديث:5937،ط:دار طوق النجاة) حدثني محمد بن مقاتل: أخبرنا عبد الله: أخبرنا عبيد الله، عن نافع، عن ابن عمر رضي الله عنهما، أن رسول الله ﷺ قال: «لعن الله الواصلة والمستوصلة، والواشمة والمستوشمة» قال نافع: الوشم في اللثة. فتح القدير للكمال ابن همام:(426/6،ط: دارالفكر) وكذا في امتهانه بالانتفاع، وقد قال ﷺ فيما ثبت عنه في الصحيحين «لعن الله الواصلة والمستوصلة والواشمة والمستوشمة»، فالواصلة هي التي تصل الشعر بشعر النساء، والمستوصلة المعمول بها بإذنها ورضاها، وهذا اللعن للانتفاع بما لا يحل الانتفاع به. مجمع الانهر:(553/2،ط:دار إحياء التراث العربي) (و) يكره (وصل الشعر بشعر آدمي) سواء كان شعرها أو شعر غيرها لقوله عليه الصلاة والسلام «لعن الله الواصلة والمستوصلة» الحديث. حاشية الطحطاوي:(60/1،ط:دار الكتب العلمية) فلا يصح مسح أعلى الذوائب المشدودة على الرأس قوله:»المشدودة على الرأس«أي التي أديرت ملفوفة على الرأس بحيث لو أرخاها لكانت مسترسلة أما لو كان تحته رأس فلا شك في الجواز. فلايصح مسح أعلى الذوائب المشدودة على الرأس". قوله: "المشدودة على الرأس" أي التي أديرت ملفوفةً على الرأس بحيث لو أرخاها لكانت مسترسلةً، أما لو كان تحته رأس فلا شك في الجواز".