باریک دوپٹے کو ڈبل کرکےنماز پڑھنےکاحکم

میرے پاس ایک باریک ڈیزائن والا دوپٹہ ہے جس میں سے بال اور جلد نظر آتی ہے،اگر میں اسے ڈبل کر لوں تو اس کے بعد بال اور جلد نظر نہیں آتی تو کیا ایسےدوپٹےکو ڈبل کرکےاس میں نماز پڑھنے سے نماز درست ہو جائے گی؟

اَلجَوَابْ بِاسْمِ مُلْہِمِ الصَّوَابْ

واضح رہےکہ اگر باریک ڈیزائن والا دوپٹہ اس طرح دُہرا کر لیا جائے کہ اس کے نیچے سےبال نظر نہ آئیں اور نہ ہی جلد کا رنگ جھلکے تو اس دوپٹے میں نماز پڑھنا درست ہےاور اگر دُہرا کرنے کے باوجود بال نظر آئے یا جلد کا رنگ جھلکے تو ایسی صورت میں نماز صحیح نہیں ہوگی۔

حوالہ جات

*الشامية:(1/ 410،ط:دارالفكر)*
(قوله ‌لا ‌يصف ‌ما ‌تحته) بأن لا يرى منه لون البشرة احترازا عن الرقيق ونحو الزجاج.

*بدائع الصنائع في ترتيب الشرائع:(1/ 219،ط:دار الكتب العلمية)*
وأصله ما روي عن علي أن رسول الله صلى الله عليه وسلم «سئل عن الصلاة في ثوب واحد فقال: أو كلكم يجد ثوبين؟» أشار إلى الجواز ونبه على الحكمة وهي أن كل واحد لا يجد ثوبين، وهذا كله إذا كان الثوب صفيقا ‌لا ‌يصف ‌ما ‌تحته فإن كان رقيقا يصف ما تحته لا يجوز؛ لأن عورته مكشوفة من حيث المعنى.