فتوی نمبر : 585
کرایہ کے بلڈنگ پر زکوۃ کا حکم

کرایہ کے بلڈنگ پر زکوۃ کا حکم

کیا فرماتے ہیں مفتیان کرام اس مسئلہ کے بارے میں کہ ایک شخص کی آزاد کشمیر میں چار منزلہ بلڈنگ ہے جس کا ماہانہ کرایہ تقریبا چالیس سے پچاس ہزار روپے آتا ہے اور اس شخص کا اس کے علاوہ اور کوئی ذریعہ آمدن نہیں ہے
پوچھنا یہ ہے اس بلڈنگ سے حاصل ہونے والے مال پر زکوۃ واجب ہے یا نہیں؟

اَلجَوَابْ بِاسْمِ مُلْہِمِ الصَّوَابْ

پوچھی گئی صورت میں ماہانہ اخراجات نکال کر جو رقم بچ جائے اگر وہ ساڑھے باون تولہ چاندی کی مروجہ قیمت کو پہنچ جائے ،اور اس پر سال بھی گزر جائے ،تو اس پر زکوۃ واجب ہیں، ورنہ نہیں ۔

حوالہ جات

الشامية :(2/ 264، ط: دارالفكر)
(ولا في ثياب البدن)المحتاج إليها لدفع الحر والبرد ابن ملك (وأثاث المنزل ودور السكنى ونحوها) وكذا الكتب وإن لم تكن لأهلها إذا لم تنو للتجارة .

الهندية:(1/ 174، ط: دارالفكر)
أو يؤاجر داره التي للتجارة بعرض من العروض فتصير للتجارة، وإن لم ينو التجارة صريحا .

الفقه الإسلامي وأدلته :(3/ 1947، ط:دارالفكر)
أو ‌العمارات ‌بقصد الكراء، والمصانع المعدة للإنتاج، ووسائل النقل من طائرات وبواخر (سفن) وسيارات، ومزارع الأبقار والدواجن وتشترك كلها في صفة واحدة هي أنها لا تجب الزكاة في عينها .