عضو هيئة كبار العلماء
السؤال
مفتی صاحب! ایک بچے کو والد نے مدرسہ میں داخل کیا، جب دس پارے ہو گئے اس کے بعد والد نے مدرسہ سے نکال لیا اور کہا میرے ساتھ کاروبار پہ دھیان دو، بچہ بضد ہے کہ جب شروع کیا ہے تو ختم کرنے دو، لیکن والد نے منع کر دیا، کیا والد گناہ گار ہوں گے اور دوبارہ مدرسہ لگانا چاہیے یا کوئی گناہ نہیں؟؟
اَلجَوَابْ بِاسْمِ مُلْہِمِ الصَّوَابْ
واضح رہے کہ والد پر لازم ہے کہ وہ اپنے بچے کو اتنا قرآن مجید یاد کروائے کہ وہ صحیح طریقے سے نماز ادا کرسکے۔ اس سے زائد پورے قرآن مجید کا حفظ کرنا فرض کفایہ ہے، جبکہ والدین کی اطاعت جائز امور میں لازم ہے، لہٰذا پوچھی گئی صورت میں اگر والد نے کسی جائز ضرورت یا کاروبار میں تعاون کے لیے بچے کا حفظِ قرآن مکمل کروانے کا سلسلہ موقوف کردیا تو وہ گناہ گار نہیں ہوگا، کیونکہ بچے نے نماز کی درست ادائیگی کے لیے ضروری قرآن کی تعلیم حاصل کرلی ہے۔ چنانچہ بچے کا والد کے ساتھ جائز کاروبار میں تعاون کرنا اور معاشی معاملات میں اس کا ہاتھ بٹانا شرعاً جائز ہے، اس میں کوئی حرج نہیں۔
البحر الرائق: (1/ 359،ط:دار الكتاب الإسلامي) اعلم أن حفظ قدر ما تجوز الصلاة به من القرآن فرض عين على المسلمين لقوله تعالى {فاقرءوا ما تيسر من القرآن} [المزمل: 20] وحفظ جميع القرآن فرض كفاية وحفظ فاتحة الكتاب وسورة واجبة على كل مسلم. الهندية: (1/ 562،ط:دارالفکر) الذكور من الأولاد إذا بلغوا حد الكسب، ولم يبلغوا في أنفسهم يدفعهم الأب إلى عمل ليكسبوا، أو يؤاجرهم وينفق عليهم من أجرتهم وكسبهم. ایضاً :(5/ 365) الابن البالغ يعمل عملا لا ضرر فيه دينا ولا دنيا بوالديه وهما يكرهانه فلا بد من الاستئذان فيه إذا كان له منه بد.
دارالافتاء جامعہ دارالعلوم حنفیہ (نعمان بن ثابت)