دال اور گوشت سے بنے ہوئے کھانے کا نام حلیم رکھنا

کیا فرماتے ہیں مفتیان کرام اس مسئلہ کے بارے میں کہ آج ہم نے ایک کھانا بنایا ہے اہل اردو اس کو حلیم کہتے ہیں جبکہ حلیم اللہ تعالیٰ کا نام ہے تواس کھانے کا نام حلیم رکھنا کیسا ہے ؟

اَلجَوَابْ بِاسْمِ مُلْہِمِ الصَّوَابْ

واضح رہے کہ جو نام اللہ تعالیٰ کے ساتھ خاص ہیں یا وہ نام اللہ تعالیٰ کی ذات اقدس کے لائق ہیں، ان ناموں کو کسی اور کے لیے رکھنا حرام ہے ، تاہم جو نام اللہ تعالیٰ اور اس کے مخلوق کے درمیان مشترک ہیں ان کو کسی کا نام رکھنے میں کوئی حرج نہیں ۔
پوچھی گئی صورت میں حلیم ایک عام لفظ ہے اور عرف میں اسی کھانے کو کہا جاتا ہے، لہذا اس کھانے کو حلیم کہنے میں کوئی حرج نہیں ہے ۔

حوالہ جات

صحيح البخاري: (8/ 45، رقم الحديث : 6205، ط: دارطوق النجاة)
عن أبي هريرة قال: قال رسول الله صلى الله عليه وسلم: أخنى الأسماء يوم القيامة عند الله رجل ‌تسمى ‌ملك ‌الأملاك.

الشامية : (6/ 417، ط: دارالفكر)
لتسمية باسم يوجد في كتاب الله تعالى ‌كالعلي ‌والكبير ‌والرشيد والبديع جائزة إلخ، ومثله في المنح عنها وظاهره الجواز ولو معرفا بأل.

الموسوعة الفقهية : (11/ 335، ط: وزارة الأوقاف والشئون الإسلامية )
تحرم التسمية بكل اسم خاص بالله سبحانه وتعالى، ‌كالخالق ‌والقدوس، أو بما لا يليق إلا به سبحانه وتعالى كملك الملوك وسلطان السلاطين وحاكم الحكام، وهذا كله محل اتفاق بين الفقهاء.