عضو هيئة كبار العلماء
السؤال
السلام علیکم ورحمتہ اللہ وبرکاتہ مولانا صاحب! نام کے متعلق پوچھنا ہے کہ اقراش نام رکھنا کیسا ہے معنی کے اعتبار سے کیسا ہے اور اسلامی تاریخ میں اقراش نام ملتا ہے کہ کسی صحابی رسول ﷺ یا کسی بزرگان دین کا ملتا ہے اقراش نام رکھا گیا ہو؟
اَلجَوَابْ بِاسْمِ مُلْہِمِ الصَّوَابْ
واضح رہے کہ اقراش کا درست اور صحیح تلفظ "عکراش" ہے یعنی شروع میں الف اور قاف نہیں ہے بلکہ عین اور چھوٹا کاف ہے اور عین کے نیچے زیر ہے۔ عکراش ایک صحابی کا نام ہے، اس لیے یہ نام رکھنا درست، بلکہ باعث برکت ہے، یہ لفظ "عکرش" سے ماخوذ ہے جو ایک خاص قسم کی گھاس کو کہتے ہیں، جو بطور علاج استعمال کیا جاتا ہے، بہرحال صحابہ کرام رضی اللہ عنہم کے نام پر نام رکھتے ہوئے معنی کو دیکھنے کی ضرورت نہیں ہے، صرف ان سے نسبت ہی کافی ہے۔
تقريب التهذيب:(396،ط:دار الرشيد) 4666- عكراش بكسر أوله وسكون الكاف وآخره معجمة ابن ذؤيب السعدي أبو الصهباء صحابي قليل الحديث عاش مائة سنة ت ق 4321- عبيد الله ابن عكراش بكسر المهملة وسكون الكاف وآخره معجمة ابن ذؤيب التميمي قال البخاري لا يثبت حديثه من الثالثة ۔
واللہ تعالی اعلم بالصواب
دارالافتاء جامعہ دارالعلوم حنفیہ (نعمان بن ثابت)
دارالافتاء جامعہ دارالعلوم حنفیہ (نعمان بن ثابت)