فتوی نمبر : 246
سوشل میڈیا پر اللہ تعالیٰ کا یا رسول اللہ صلی اللہ علیہ وسلم کا نام شئیر نہ کرنے پر کسی کو بددعا دینا

سوشل میڈیا پر اللہ تعالیٰ کا یا رسول اللہ صلی اللہ علیہ وسلم کا نام شئیر نہ کرنے پر کسی کو بددعا دینا

السلام علیکم
کیا فرماتے ہیں مفتیان کرام اس مسلہ کے بارے میں یی جو آج کل فیسبک وغیرہ میں پوسٹ شیئر کیا ہوتا ہے اور اسمں آپ صلی اللہ علیہ وسلم کے نام یا اللہ تعالیٰ کہ نام لیکھا ہوتا ہے اور پھر اسکی ساتھ کوئی بد دعا لیکھا ہوتا ہے کہ جو شخص یی شیر نہ کریں اسکی ساتھ یی یی ہوجاۓ تو اس مسئلہ کا کیا حکم ہے

اَلجَوَابْ بِاسْمِ مُلْہِمِ الصَّوَابْ

واضح رہے کہ شریعتِ مطہرہ میں کسی کو نیکی کی ترغیب دینا اور خیر کی دعوت دینا ایک پسندیدہ عمل ہے، لیکن اگر کوئی شخص کسی نیک کام کو اختیار نہ کرے تو اسے بددعا دینا، لعنت کرناجائز نہیں، لہٰذا سوشل میڈیا پر اللہ تعالیٰ یا رسول اللہ صلی اللہ علیہ وسلم کا نام شیئر نہ کرنے پر کسی شخص کو کسی قسم کی بددعا دینا نہایت نامناسب، مذموم فعل ہے، جو شرعی اصولوں کے خلاف ہے، اس طرح کا طرز اپنانے سے اجتناب کرنا چاہیے۔

حوالہ جات

القرآن الکریم:(النساء:148/4)
"لَا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَنْ ظُلِمَ"

تفسير ابن رجب الحنبلى:(375/1،ط:دار العاصمة)
قوله تعالى: (لا يحب الله الجهر بالسوء من القول إلا من ظلم وكان الله سميعا عليما (١٤٨)
وروي عن ابن عباس، في قوله تعالى: (لا يحب الله الجهر بالسوء من القول إلا من ظلم)، قال: لا يحب الله أن يدعو أحد على أحد، إلا أن
يكون مظلوما، فإنه قد رخص له أن يدعو على من ظلمه.

تفسير الطبرى:(344/9،ط:دارالتربيت والتراث)
عن ابن عباس قوله:«لا يحب الله الجهر بالسوء من القول»، يقول: لا يحب الله أن يدعوَ أحدٌ على أحد، إلا أن يكون مظلومًا، فإنه قد أرخَص له أن يدعو على من ظلمه، وذلك قوله:«إلا من ظلم»، وإن صبر فهو خير له.