عضو هيئة كبار العلماء
السؤال
محترم مفتی صاحب ! میں نےگلستان جوہر میں دو پلاٹ خریدے ہیں ،مالکانہ حقوق کے ساتھ خرید وفروخت کا تحریری معاہدہ ہوا ہے اور 20 فیصد ادائیگی کر دی ہے، باقی رقم تین مہینوں کے اندر ادا کروں گا ،کیا اب میں بقايا رقم کی ادائیگی اور مالکانہ حقوق کے منتقلی سے پہلے اسے تیسرےشخص پر فروخت کر سکتا ہوں یا نہیں؟ یاد رہے کہ مالکانہ حقوق تین ماہ بعد رقم کی ادائیگی کے بعد ملیں گے ۔
اَلجَوَابْ بِاسْمِ مُلْہِمِ الصَّوَابْ
پوچھی گئی صورت میں اگر باقاعدہ خرید و فروخت نہیں ہوئی، بلکہ آئندہ خرید و فروخت کا صرف معاہدہ ہوا ہے، تو ایسی صورت میں آپ کے لیے مذکورہ پلاٹ آگے بیچنا جائز نہیں ۔
تبيين الحقائق شرح كنز الدقائق: (4/ 104، ط: دارالكتاب الاسلامي ) نهى عن بيع المبيع قبل القبض وعن بيع الآبق، ثم إذا باع المبيع قبل القبض أو الآبق لا يجوز للنهي الوارد فيه. بدائع الصنائع : (5/ 180، ط: دارالكتب العلمية ) فلا يصح بيعه قبل القبض؛ لما روي أن النبي صلى الله عليه وسلم نهى عن بيع ما لم يقبض.
واللہ تعالی اعلم بالصواب
دارالافتاء جامعہ دارالعلوم حنفیہ (نعمان بن ثابت)
دارالافتاء جامعہ دارالعلوم حنفیہ (نعمان بن ثابت)