فتوی نمبر : 793
عدالتی طلاق کا حکم

عدالتی طلاق کا حکم

السلام عليكم ورحمة الله وبركاته
کیافرماتے ھے مفتیان کرام اس مسلہ کے حوالہ سے کہ ایک عورت جسے اپناشوھر طلاق دینانھیں چاھتا پھر وہ عورت کورٹ میں جاکر طلاق نامہ لیتی ھے تو آیاکورٹ کی طرف سے یہ عورت مطلقہ ھوجاتی ھے کہ نھیں؟ اور اپناشوھربھی زندہ ھے شوھر بیوی کوطلاق دینانھیں چاھتاھے

اَلجَوَابْ بِاسْمِ مُلْہِمِ الصَّوَابْ

واضح رہے کہ شریعت نے طلاق کا اختیار صرف شوہر کو دیا ہے، لہٰذا جب تک شوہر خود طلاق نہ دے یا طلاق کا اختیار عورت کو نہ دے، اُس وقت تک طلاق واقع نہیں ہوتی ،اگر عدالت شوہر کی رضامندی کے بغیر یکطرفہ طور پر طلاق دے دے تو شرعا ایسی طلاق کا کوئی اعتبار نہیں، البتہ اگر شوہر ظالم ہو،یا نان و نفقہ کی ادائیگی میں مستقل کوتاہی کر رہا ہو اور گواہوں کے ذریعے یہ بات ثابت ہو جائے تو ایسی صورت میں قاضی، اسلامی عدالت یا ایسا جرگہ اور پنچایت جس میں علماء شامل ہوں ان کو یہ اختیار حاصل ہوتا ہے کہ وہ دونوں کے نکاح کو فسخ کر دیں۔

حوالہ جات

مصنف عبدالرزاق: (234/1،ط: توزيع المكتب الاسلامي)
١٢٩٤٥ - عن ابن جريج قال: قلت لعطاء: كم يطلق العبد الحرة؟ قال: «يقول ناس: العدة والطلاق للنساء. وقال ناس: الطلاق للرجال ما كانوا والعدة للنساء ما كن». قلت: فأي ذلك أعجب إليك؟ قال: «الطلاق للرجال، والعدة للنسا.

الشامية:(230/3،ط: دار الفكر)
قوله وأهله زوج عاقل إلخ) احترز بالزوج عن سيد العبد ووالده الصغير، وبالعاقل ولو حكما عن المجنون والمعتوه والمدهوش والمبرسم والمغمى عليه،بخلاف السكران مضطرا أو مكرها،وبالبالغ عن الصبي ولو مراهقا،وبالمستيقظ عن النائم. وأفاد أنه لا يشترط كونه مسلما صحيحا طائعا عامدا فيقع طلاق العبد والسكران بسبب محظور والكافر والمريض والمكره والهازل والمخطئ كما سيأتي.