عضو هيئة كبار العلماء
السؤال
مفتی صاحب ! کونسے شیعہ سے نکاح کرنا ناجائز ہے ؟کیا سب سے نکاح جائز نہیں؟
اَلجَوَابْ بِاسْمِ مُلْہِمِ الصَّوَابْ
جو شیعہ قرآن مجید میں تحریف، حضرت علی رضی اللہ عنہ کے خدا ہونے، یا جبرئیل امین سے وحی پہنچانے میں غلطی کا عقیدہ رکھتا ہو، یا حضرت ابوبکر صدیق رضی اللہ عنہ کی صحابیت کا انکار کرتا ہو یا حضرت عائشہ صدیقہ رضی اللہ عنہا پر تہمت لگاتا ہو، یا بارہ اماموں کی امامت من جانب اللہ مان کر ان کو معصوم مانتا ہو، یا اللہ تعالیٰ کے بارے میں’’بدا‘‘کا عقیدہ رکھتا ہو تو ایسا شخص اسلام کے بنیادی عقائد کی مخالفت کی وجہ سے دائرۂ اسلام سے خارج ہوگا اور ایسے شخص کے ساتھ مسلمان کا نکاح جائز نہیں ہوگا، لیکن اگر کوئی شیعہ صرف حضرت علی رضی اللہ عنہ کی فضیلت کا قائل ہو وہ کافر نہیں، اس سے نکاح جائز ہے، البتہ احتیاط اسی میں ہے کہ کسی بھی شیعہ سے نکاح نہ کیا جائے۔
الشامية:(46/3،ط: دارالفكر) وبهذا ظهر أن الرافضي إن كان ممن يعتقد الألوهية في علي، أو أن جبريل غلط في الوحي، أو كان ينكر صحبة الصديق، أو يقذف السيدة الصديقة فهو كافر لمخالفته القواطع المعلومة من الدين بالضرورة، بخلاف ما إذا كان يفضل عليا أو يسب الصحابة فإنه مبتدع لا كافر كما أوضحته في كتابي تنبيه الولاة والحكام عامة أحكام شاتم خير الأنام أو أحد الصحابة الكرام عليه وعليهم الصلاة والسلام. معجم التوحيد:(347/2،ط:دار القبس للنشر والتوزيع) وفي حاشية ابن عابدين قال: "وبهذا يظهر أن الرافضي إن كان ممن يعتقد الألوهية في علي أو أن جبريل غلط في الوحي، أو كان ينكر صحبة الصديق، أو يقذف السيدة عائشة فهو كافر".
واللہ تعالی اعلم بالصواب
دارالافتاء جامعہ دارالعلوم حنفیہ (نعمان بن ثابت)
دارالافتاء جامعہ دارالعلوم حنفیہ (نعمان بن ثابت)