فتوی نمبر : 104
شرم گاہ پر ٹشو رکھنے کی صورت میں نکلنے والے قطرے کا حکم

شرم گاہ پر ٹشو رکھنے کی صورت میں نکلنے والے قطرے کا حکم

کسی کو پیشاب کے قطروں کی بیماری ہواسکو بڑی دشواری ہے باربار شلوار دھونا یعنی صرف پیشاب کے بعد قطرے اتے ہیں اگر وہ ایسا کرے جماعت کی نماز سے5 منٹ یا10 منٹ پہلےپیشاب کرے پھر ذکر پر ٹیوشی پپر لگاۓ یا روٸ پھر اسکے بعد وضو کرے اور نماز پڑھے کیا اسکی نماز صحیح ہو جاۓ گی یا نہیں

اَلجَوَابْ بِاسْمِ مُلْہِمِ الصَّوَابْ

الجواب باسم ملہم الصواب

واضح رہے کہ جس شخص کو پیشاب کے قطروں کی بیماری ہو وہ جتنی دیر قطرے آتے ہیں ،اتنی دیر شرمگاہ پر ٹشوپیپر لگائے رکھے اور جب قطرے آنا بند ہو جائیں تو ٹشو پیپر ہٹا کر صرف وضو کرکے نماز پڑھ لے تو اس کی نماز درست ہو جائے گی، لیکن اگر ٹشوپیپر شرمگاہ کے خارج حصے پر رکھا ہوا ہو تو قطرے نکلنے کی وجہ سے وضو ٹوٹ جائے گا اور نماز نہیں ہوگی اور اگر اندر رکھا ہوا ہے تو جب تک باہر کا حصہ تر نہ ہوجائے وضو نہیں ٹوٹے گا۔

حوالہ جات

دلائل:

الدر المختار:(149/1،ط:دارالفكر)
(لو ‌حشا ‌إحليله ‌بقطنة وابتل الطرف الظاهر) هذا لو القطنة عالية أو محاذية لرأس الإحليل وإن متسفلة عنه لا ينقض وكذا الحكم في الدبر والفرج الداخل (وإن ابتل) الطرف (الداخل لا) ينقض ولو سقطت؛ فإن رطبه انتقض، وإلا لا.

المبسوط للسرخسي: (1/ 86،ط:دارالمعرفة)
قال (ومن توضأ، ‌ثم ‌رأى ‌البلل سائلا عن ذكره أعاد الوضوء)؛ لأن البول سال منه، وهو ناقض للوضوء.

بدائع الصنائع:(1/ 33،ط:دار الکتب العلمية)
ولو توضأ، ‌ثم ‌رأى ‌البلل سائلا من ذكره أعاد الوضوء لوجود الحدث، وهو سيلان البول.

واللہ تعالی اعلم بالصواب
دارالافتاء جامعہ دارالعلوم حنفیہ،کراچی