ٹیوشن پڑھانے والے قاری صاحب کو تنخواہ کی مدمیں زکوۃ دینا

مفتی صاحب !
کیا ٹیوشن پڑھانے والے ہیں قاری صاحب کو تنخواہ کی مد میں زکوۃ دے سکتے ہیں کیا اس طرح زکوۃ ادا ہو جائے گی؟

اَلجَوَابْ بِاسْمِ مُلْہِمِ الصَّوَابْ

زکوٰۃ ادائیگی کے لیے ضروری ہے کہ مستحق کو بلاعوض مالک بناکردی جائے ،اس لیے زکوٰۃ کی رقم بطور تنخواہ دینا درست نہیں، البتہ اگر کوئی ملازم واقعی غریب اور مستحق ہے تو تنخواہ کے علاوہ اسے زکوٰۃ دی جا سکتی ہے لہذا پوچھی گئی صورت میں ٹیوشن پڑھانے والے قاری صاحب کو تنخواہ کی مد میں زکوۃ نہیں دے سکتے البتہ تنخواہ کی مد کے علاوہ اگر وہ مستحق زکوۃ ہے تو زکوۃ دینا جائز ہے۔

حوالہ جات

*البناية شرح الهداية:(314/3،ط:دار الكتب العلمية)*
ولو نوى المعلم الزكاة بما يدفع إلى خليفته ولم يستأجره إن كان الخليفة بحال لو لم يدفعه يعلم الصبيان أجزأه وإلا فلا، وكذا ما يدفع إلى الخدم من الرجال والنساء الذين لم يستأجرهم في الأعياد وغيرها بنية الزكاة كذا في «المجتبى».

*الهندية:(190/1،ط:دار الفكر)*
ولو نوى الزكاة بما يدفع المعلم إلى الخليفة، ولم يستأجره إن كان الخليفة بحال لو لم يدفعه يعلم الصبيان أيضا أجزأه، وإلا فلا.