فتوی نمبر : 603
سرکاری زمین کو بلااجازت استعمال کرنا

سرکاری زمین کو بلااجازت استعمال کرنا

مفتی صاحب امید ہے خیریت سے ہوں گے
ایک مسئلہ دریافت کرنا ہے اور وہ یہ کہ ہمارے علاقہ میں ایک سرکاری پارک ہے جو کافی عرصہ سے دیکھ بھال نہ ہونےکی وجہ سے اجڑگیا ہے ایک صاحب نے اس پر قبضہ کرلیا ہے اور ان کا کہنا ہے کہ پہلے اس میں گندا پانی جمع ہوتا تھا میں نے اس کو صاف کردیا ہےاب میں اس میں سبزیاں اگُاؤں گا اس سے یہ پاک صاف رہے گا اور علاقہ سے گندگی دور ہوگی ان کا ایسا کرنا کیسا ہے ؟

اَلجَوَابْ بِاسْمِ مُلْہِمِ الصَّوَابْ

واضح رہے کہ سرکاری زمین کو سرکار کے اجازت کے بغیر اپنے استعمال میں لانا جائز نہیں،لہذا پوچھی گئی صورت میں سرکاری پارک پرسرکارکی اجازت کے بغیر قبضہ کرنااور اسے اپنے استعمال میں لانا درست نہیں ۔

حوالہ جات

صحيح مسلم:(5/ 58، رقم الحديث : 137 - (1610، ط: دار طوق النجاة )
عن سعيد بن زيد بن عمرو بن نفيل أن رسول الله صلى الله عليه وسلم قال: ‌من ‌اقتطع ‌شبرا من الأرض ظلما، طوقه الله إياه يوم القيامة من سبع أرضين .

الهندية: (5/ 125، ط :دارالفكر)
‌غصب ‌من ‌آخر ‌دارا أو أرضا فبنى فيها بناء أو زرع فيها زرعا فقلع صاحبها الزرع وهدم البناء لا يضمن .