حمل ٹھہرنے تک روزوں کی نذر ماننا

السؤال

السلام علیکم ورحمۃ اللہ وبرکاتہ مفتی صاحب! ہمارے ہاں ایک عورت ہے، اس کے بچے(حمل) ضائع ہو جاتے ہیں، اس نے کہا کہ جب تک میرا بچہ نہیں ہو جاتا میں روزے رکھوں گی، کچھ عرصہ اس نے روزے رکھے، مگر اب وہ اکثر بیمار رہتی ہے تو کیا نذر کے روزے رکھنا اب بھی اس پر لازم ہے یا چھوڑ سکتی ہے یا ان روزوں کا فدیہ دے گی؟ تنقیح: السلام علیکم ورحمۃ اللہ وبرکاتہ ! مذکورہ عورت نے جو کہا ہے کہ جب تک میری اولاد نہیں ہوتی تو میں روزے رکھوں گی اس میں یہ وضاحت مطلوب ہے کہ کیا یہ نذر کے طور پر روزے رکھنا مراد تھا یا مقصد یہ تھا کہ میں روزے رکھوں گی، تاکہ اس کی برکت سے اللہ مُجھے اولاد عطا کرے؟ جواب تنقیح: عورت نے نذر مانی تھی کہ جب تک میرا حمل دوبارہ نہیں ٹھہر جاتا، تب تک میں روزے رکھوں گی، جب ٹھیک ہوں گی تو رکھوں گی اور اگر بیمار ہوں گی تو نہیں رکھوں گی اور دوبارہ حمل تک روزے رکھتی رہوں گی، مگر کچھ آٹھ، دس روزوں کے بعد اس کی طبیعت بگڑ گئی اور وہ بیمار رہنے لگی تو اس نے روزے رکھنا چھوڑ دیے، مگر پھر اس دوران اس کو حمل ٹھہر گیا اور پھر تین ماہ بعد ضائع ہو گیا، اب وہ پوچھ رہی ہے کہ میرے لیے اب کیا حکم ہے؟ یہ اس کی نذر تھی کہ دوبارہ حمل ٹھہر جانے تک روزے رکھے گی، اس نے روزے نہیں رکھے، مگر اللہ تعالیٰ کے کرم سے حمل ٹھہرا اور تین ماہ بعد پھر سے ضائع ہوگیا۔ اب وہ کیا کرے؟