چاند دیکھنے کی شرعی حیثیت

مفتی صاحب !
چاند دیکھنے کی شرعی حیثیت کیا ہے جس طرح رمضان میں چاند دیکھنے کا اہتمام کیا جاتا ہے تو کیا دوسرے مہینوں میں بھی اہتمام ضروری ہے؟

اَلجَوَابْ بِاسْمِ مُلْہِمِ الصَّوَابْ

اسلام میں عبادات کے اوقات قمری مہینوں کے ساتھ وابستہ ہیں، اس لیے ہر مہینے کی ۲۹ تاریخ کو چاند دیکھنے کا اہتمام کرنا نہایت ضروری ہے۔ جب لوگ باقاعدگی سے چاند دیکھنے کی کوشش کرتے ہیں تو رمضان، شوال اور ذوالحجہ جیسے اہم مہینوں کی عبادات صحیح وقت پر ادا ہوتی ہیں اور امت میں وحدت بھی قائم رہتی ہے۔
خصوصی طور پر شعبان، رمضان، شوال اور ذوالحجہ کے چاند کی دیکھنے اہتمام کرنا چاہیے، کیونکہ ان مہینوں سے روزے، عیدین اور حج جیسے عظیم اعمال کا تعلق ہے، فقہا نے اس اہتمام کی اہمیت کو واضح کرتے ہوئے بعض نے اسے مستحب قرار دیا ہے، جبکہ بعض کے نزدیک یہ واجب علی الکفایہ ہے، یعنی اگر چند افراد یہ فریضہ ادا کرلیں تو سب کی طرف سے کافی ہوجاتا ہے۔

حوالہ جات

*صحيح البخاري:(29/3،رقم الحديث:1909،ط:دار طوق النجاة)*
حدثنا آدم: حدثنا شعبة: حدثنا محمد بن زياد قال: سمعت أبا هريرة رضي الله عنه يقول قال النبي ﷺ أو قال: قال أبو القاسم ﷺ: «صوموا لرؤيته، وأفطروا لرؤيته، فإن غبي عليكم فأكملوا عدة شعبان ثلاثين.»

*الهندية:(197/1،ط: دارالفكر)*
يجب أن يلتمس الناس الهلال في التاسع والعشرين من شعبان وقت الغروب فإن رأوه صاموه، وإن غم أكملوه ثلاثين يوما كذا في الاختيار شرح المختار. وكذا ينبغي أن يلتمسوا هلال شعبان أيضا في حق إتمام العدد، وهل يرجع إلى قول أهل الخبرة العدول ممن يعرف علم النجوم الصحيح أنه لا يقبل كذا في السراج الوهاج، ولا يجوز للمنجم أن يعمل بحساب نفسه كذا في معراج الدراية. وتكره الإشارة عند رؤية الهلال كذا في الظهيرية.

*مجمع الأنهر:(238/1،ط:دار إحياء التراث العربي)*
(ويجب على الناس) وجوب كفاية (التماس الهلال في التاسع والعشرين من شعبان ومن رمضان)وكذا ذو القعدة؛ لأن الشهر قد يكون تسعا وعشرين وكذا يجب على الحاكم أن يأمر الناس بذلك.