دانتوں میں پھنسے ہوئے خوراک کے ذرات کھانے کا حکم

کیا فرماتے ہیں مفتیان کرام اس مسئلہ کے بارے میں کہ اگر دانتوں میں کھانے کے ذرات پھنس جائے تو ان کو نکالنے کے بعد کھانا چاہیے یا پھینکنا چاہیے ؟

اَلجَوَابْ بِاسْمِ مُلْہِمِ الصَّوَابْ

واضح رہے کہ کھانا کھانے کے بعد دانتوں کی صفائی خلالہ ( چھوٹا سا تنکا) یا مسواک کے ذریعے کرناسنت ہے اور اس دوران اگر خوراک کے ذرات نکلے تو انہیں پھینکنا چاہیے ، البتہ اگر دانتوں میں پھنسے ہوئے ذرات کو زبان کے ذریعے نکالا جائے تو ان کی کھانے کی گنجائش ہے ۔

حوالہ جات

المسند المصنف المعلل: (30/ 121، رقم الحديث : 13737،ط:دارالغرب الاسلامي )
وفي رواية: من أكل ‌فليتخلل، فما تخلل فليلفظ، وما لاك بلسانه فليبتلع .

الموسوعة الفقهية : (6/ 122، ط: وزارة الأوقاف والشئون الإسلامية )
وأن يتخلل، ولا يبتلع ما يخرج من أسنانه ‌بالخلال بل يرميه.