عضو هيئة كبار العلماء
السؤال
کیا فرماتے ہیں مفتیان کرام اس مسئلے کے بارے میں کہ اگر کسی شخص کا موبائل باجماعت نماز ادا کرتے ہوئے بجنے لگے، تو وہ شخص دوران نماز سکرین پر نمبر دیکھ کر بند کر لیتا ہے، تو کیا نماز ادا ہو جائے گی یا فاسد ہوگی؟
اَلجَوَابْ بِاسْمِ مُلْہِمِ الصَّوَابْ
واضح رہے کہ نماز شروع کرنے سے پہلے موبائل بند کر لینا ضروری ہے ،البتہ اگر بھولے سے بند نہیں کیا اور دوران نماز گھنٹی بجنا شروع ہو گئی، جس سے نمازیوں کی نماز میں خلل آتا ہو ،تو ایسی صورت میں ہاتھ سے بغیر دیکھے بند کر دیں، اگر بند کرتے ہوئے اسکرین پر نمبر دیکھ لیا ،تو نماز فاسد نہیں ہوگی ۔ البتہ ایسا کرنے سے نماز مکرو ہو جاتی ہے ،ہاں !اگر عمل کثیر کیا جس سے دیکھنے والے کو خارج نماز ہونا محسوس ہوتا ہو ،تو اس سے نماز فاسد ہو جائے گی۔
الدرالمختار : (1/ 624، ط: دارالفكر) (و) يفسدها (كل عمل كثير) ليس من أعمالها ولا لإصلاحها، وفيه أقوال خمسة أصحها (ما لا يشك) بسببه (الناظر) من بعيد (في فاعله أنه ليس فيها). ايضا : (1/ 634، ط: دارالفكر) (ولا يفسدها نظره إلى مكتوب وفهمه) ولو مستفهما وإن كره.
واللہ تعالی اعلم بالصواب
دارالافتاء جامعہ دارالعلوم حنفیہ (نعمان بن ثابت)
دارالافتاء جامعہ دارالعلوم حنفیہ (نعمان بن ثابت)