پندرھویں روزے کو صدقۂ فطر ادا کرنے کا حکم

ایک شخص نے پندرھویں روزے کو فطرہ ادا کیا، پھر ایک مولوی صاحب سے تشفی کیلۓ پوچھا تو انہوں نے فرمایا یہ فطرہ نہیں ہے، فطرہ تو عید والے دن یا اس سے ایک دن قبل ہی ادا ہوتا ہے۔
کیا سائل کو دوبارہ فطرہ ادا کرنا پڑے گا ؟

اَلجَوَابْ بِاسْمِ مُلْہِمِ الصَّوَابْ

واضح رہے کہ صدقۂ فطر رمضان میں عید سے پہلے ادا کرنا جائز ہے، اس میں کوئی حرج نہیں، البتہ رمضان سے پہلے ادا کرنے میں فقہائے کرام کے دو اقوال ملتے ہیں:بعض فقہا کے نزدیک رمضان سے پہلے صدقۂ فطر ادا کرنا درست نہیں، جبکہ دیگر کے نزدیک صدقۂ فطر کا حکم زکاۃ کی طرح ہے، چاہے رمضان سے پہلے یا رمضان میں ادا کر دیا جائے، دونوں صورتوں میں صدقۂ فطر ادا ہو جائے گا، لیکن احتیاط کا تقاضا یہی ہے کہ رمضان میں ادا کیا جائے،لہذا پوچھی گئی صورت میں پندرھویں رمضان کو صدقۂ فطر ادا کرنے سے بالاتفاق ادا ہو جائے گا۔

حوالہ جات

*صحيح البخاري: (2/ 132،ط:دار طوق النجاۃ)*
وكان ابن عمر رضي الله عنهما: يعطيها الذين يقبلونها، ‌وكانوا ‌يعطون ‌قبل ‌الفطر بيوم أو يومين.

*الشامية:(367/2،ط:دارالفكر)*
وصح أداؤها إذا قدمه على يوم الفطر أو أخره) اعتبارا بالزكاة والسبب موجود إذ هو الرأس (بشرط دخول رمضان في الأول) أي مسألة التقديم (هو الصحيح) وبه يفتى جوهرة وبحر عن الظهيرية لكن عامة المتون والشروح على صحة التقديم مطلقا وصححه غير واحد ورجحه في النهر ونقل عن الولوالجية أنه ظاهر الرواية.

*البحر الرائق:(274/2،ط: دار الكتاب الاسلامي)*
(قوله: وصح لو قدم أو أخر) أي صح أداؤها إذا قدمه على يوم الفطر أو أخره أما التقديم فلكونه بعد السبب؛ إذ هو الرأس، وأما الفطر فشرط الوجوب كما قدمناه.