فطرانہ کے لیے پیسے الگ کیے، لیکن ادائیگی عید کے بعد کی تو کیا حکم ہے؟

السلام علیکم ورحمۃاللہ وبرکاتہ
حضرت مفتی صاحب!
فطرانہ کے حوالے سے ایک مسئلہ درپیش ہے کہ اگر کسی کو فطرانہ دینے کی نیت سے پیسے الگ کر کے رکھ دیے جائیں اور عید کی نماز کے بعد اسے سپرد کر دیے جائیں تو کیا اس طرح سے فطرانہ ادا ہو جائے گا؟
جواب عنایت فرما دیں۔

اَلجَوَابْ بِاسْمِ مُلْہِمِ الصَّوَابْ

واضح رہے کہ فطرانہ کی نیت سے رقم الگ کرکے رکھنے سے ادائیگی نہیں ہوگی ، بلکہ مستحق کو مالک بنانا ضروری ہے، لہذا! ا گر کسی نے صدقۂ فطر نماز عیدالفطر سے پہلے ادا نہیں کیا تو وہ اس کے ذمے باقی رہےگا اور عید کے بعد ادا کرنے سے ادا ہو جائے گا۔

حوالہ جات

*الشامیة: (2/ 367،ط:دارالفكر)*
ويستحب إخراجها قبل الخروج إلى المصلى بعد طلوع فجر الفطر) عملا بأمره وفعله عليه الصلاة والسلام.

(‌وصح ‌أداؤها ‌إذا ‌قدمه ‌على ‌يوم ‌الفطر أو أخره) اعتبارا بالزكاة والسبب موجود إذ هو الرأس (بشرط دخول رمضان في الأول) أي مسألة التقديم (هو الصحيح) وبه يفتى جوهرة وبحر عن الظهيرية .

*الهندية:(192/1،ط:دارالفكر)*
ووقت الوجوب بعد طلوع الفجر الثاني من يوم الفطر فمن مات قبل ذلك لم تجب عليه الصدقة.....
وإن قدموها على يوم الفطر جاز، ولا تفضيل بين مدة، ومدة، وهو الصحيح، وإن أخروها عن يوم الفطر لم تسقط، وكان عليهم إخراجها كذا في الهداية.....
والمستحب للناس أن يخرجوا الفطرة بعد طلوع الفجر يوم الفطر قبل الخروج إلى المصلى كذا في الجوهرة النيرة. وأما وقت أدائها فجميع العمر عند عامة مشايخنا - رحمهم الله - كذا في البدائع.