فتوی نمبر : 232
نماز جنازہ پڑھےبغیر دفن کرنے کی صورت میں قبر پر نماز جنازہ پڑھنا

نماز جنازہ پڑھےبغیر دفن کرنے کی صورت میں قبر پر نماز جنازہ پڑھنا

کیا فرماتے ہیں مفتیان کرام اس مسئلہ کے بارے میں کہ ہر ایک آدمی صحرا میں فوت ہوگیا اور کسی کو اس کے فوت ہونے کا علم نہ ہوا اس کے تین دن کے بعد اس کی لاش کسی غیر آدمی کو ملی اور اس نے اس میت کو بغیر غسل وجنازہ کے دفنا دیا اس کے بعد اس کے ورثاء کو اس کے بارے میں معلوم ہوا اب وہ اس کی قبر پر جنازہ پڑھنا چاہتے ہیں اس کا کیا حکم ہے ؟

اَلجَوَابْ بِاسْمِ مُلْہِمِ الصَّوَابْ

واضح رہے کہ اگر کسی مردے کو بغیر جنازے کے دفن کیا گیا ہو تو جب تک اس کی لاش کے پھٹنے اور گلنے کا غالب گمان نہ ہو تواس وقت تک اس کی قبر پر نماز جنازہ پڑھی جاسکتی ہے اور پھٹنے گلنے کی مدت میت کی جسامت اور زمین کی ساخت مقام اور موسم کے اعتبار سے مختلف ہوسکتی ہے،البتہ بعض علمائےکرام نے اس کی حد تین دن بیان کی ہے،لہذا پوچھی گئی صورت میں یہ اندازہ لگایا جائے کہ آیا قبر میں لاش پرانی ہو کر پھٹ تو نہیں گئی؟ اگر غالب گمان یہ ہو کہ لاش پھٹی نہیں ہوگی تو قبر پر نماز جنازہ پڑھی جائے اور اگر لاش کے پھٹ جانےکا گمان غالب ہوتو نمازِ جنازہ نہ پڑھی جائے۔

حوالہ جات

الهندية:(1/ 162، ط :دارالفكر)
الصلاة على الميت) ‌الصلاة ‌على ‌الجنازة فرض كفاية إذا قام به البعض واحدا كان أو جماعة ذكرا كان أو أنثى سقط عن الباقين وإذا ترك الكل أثموا، هكذا في التتارخانية وشرطها إسلام الميت وطهارته ما دام الغسل ممكنا وإن لم يمكن بأن دفن قبل الغسل ولم يمكن إخراجه إلا بالنبش تجوز الصلاة على قبره للضرورة .

حاشية الطحطاوي على مراقي الفلاح :(ص591، ط : دار الكتب العلمية بيروت )
"وإن دفن" وأهيل ‌عليه ‌التراب "بلا صلاة" لأمر اقتضى ذلك "صلى على قبره وإن لم يغسل" لسقوط شرط طهارته لحرمة نبشه وتعاد لو صلي عليه قبل الدفن بلا غسل لفساد الأولى بالقدرة على تغسيله قبل الدفن وقي تنقلب صحيحة لتحقق العجز ولو لم يهل التراب يخرج فيغسل ويصلى عليه "ما لم يتفسخ" والمعتبر فيه أكبر الرأي على الصحيح لاختلافه باختلاف الزمان والمكان .