عضو هيئة كبار العلماء
السؤال
مفتی صاحب ! شوال کے روزہ سے متعلق کوئی فضیلت والی حدیث درکار ہے ،راہنمائی فرمائیں ۔جزاکم اللہ
اَلجَوَابْ بِاسْمِ مُلْہِمِ الصَّوَابْ
رسول اللہ صلی اللہ علیہ وسلم نے ارشاد فرمایا: جس نے رمضان کے روزے رکھے اور پھر شوال کے چھ روزے رکھے تو یہ ہمیشہ (یعنی پورے سال)کے روزے شمارہوں گے، اس لیے کہ قرآنِ کریم کے وعدہ کے مطابق ہر نیکی کا بدلہ کم از کم دس گنا ملتا ہے، گویا رمضان المبارک کے ایک ماہ کے روزے دس مہینوں کے روزوں کے برابر ہوگئے اور شوال کےچھ روزے ساٹھ روزوں کے برابر ہوگئے، جو دو ماہ کے برابر ہیں، اس طرح رمضان کے ساتھ شوال کے روزے رکھنے والا گویا پورے سال روزہ رکھنے والا ہوجاتا ہے۔
*صحیح مسلم:(رقم الحدیث1164،ط:دارطوق النجاة)* ٢٠٤ - (١١٦٤) عن أبي أيوب الأنصاري رضي الله عنه أنه حدثه أن رسول الله ﷺ قال: من صام رمضان، ثم أتبعه ستا من شوال، كان كصيام الدهر.
واللہ تعالی اعلم بالصواب
دارالافتاء جامعہ دارالعلوم حنفیہ (نعمان بن ثابت)
دارالافتاء جامعہ دارالعلوم حنفیہ (نعمان بن ثابت)