فتوی نمبر : 361
مرض الموت میں کسی وارث کو جائیداد ہبہ کرنے کا حکم

مرض الموت میں کسی وارث کو جائیداد ہبہ کرنے کا حکم

السلام علیکم ورحمتہ اللہ وبرکاتہ
مسئلہ یہ عرض کرنا ہے کہ کوئی شخص مرض الموت میں اپنا گھر اپنی بیوی اور بیٹی کے قبضے میں دے دیں تو کیا اس گھر میں میراث جاری ہوگی اس شخص کے فوت ہونے کے بعد یا یہ ان کا ہوگا

اَلجَوَابْ بِاسْمِ مُلْہِمِ الصَّوَابْ

واضح رہے کہ مرضِ موت میں کسی وارث کو کوئی چیز ہبہ(تحفہ) کرنا وصیت کے حکم میں ہے اور وصیت کا نافذ ہونا شرعاً دیگر ورثا کی اجازت پر موقوف ہوتا ہے، لہٰذا پوچھی گئی صورت میں مذکور شخص کا اپنا گھر بیوی اور بیٹی کو ہبہ کرنا، اگر دیگر ورثا کی رضامندی کے بغیر ہو تو شرعاً معتبر نہیں،چنانچہ یہ گھر تمام ورثا میں ان کے شرعی حصوں کے مطابق تقسیم ہوگا،البتہ اگر دیگر ورثا اجازت دے دیں تو یہ ہبہ تام (مکمل) ہو جائے گا اور بیوی و بیٹی اس گھر کی مالک شمار ہوں گی۔

حوالہ جات

مسند دارمى:(رقم الحديث:3303)
عن عمرو بن خارجة، قال: كنت تحت ناقة النبي صلى الله عليه وسلم، وهي تقصع بجرتها، ولعابها ينوص بين كتفي، سمعته يقول: «ألا إن الله قد أعطى كل ذي حق حقه، فلا يجوز وصية لوارث.

الهداية:(4/ 514،ط:دار احياء التراث العربي)
والهبة من المريض للوارث في هذا ‌نظير ‌الوصية" لأنها وصية حكما حتى تنفذ من الثلث.

مجمع الأنهر :(2/ 696،طدار إحياء التراث العربي)
والهبة والصدقة من المريض لوارثه ‌نظير ‌الوصية؛ لأنه وصية حكما حتى تعتبر من الثلث.