فتوی نمبر : 282
انشورنس کی اصل رقم واپس لینے کا حکم

انشورنس کی اصل رقم واپس لینے کا حکم

السلام علیکم
حضرت پوچھنا یہ ہے کہ ایک اسکوٹر لی ہے قسطوں پہ اور وہ کمپنی کی اینی پالیسی ہے کیونکہ کسی شوروم سے نہیں لیے کمپنی کی پالیسی ہے کہ وہ اس کو انشورڈ کر کے دیتی ہے اب انشورڈ کرائی ہے اور اس کے بعد وہ اسکوٹر چھن جاتی ہے اب کمپنی جو انشورنس کرتی ہے تو وہ اس کے پیسے یعنی وہی کمپنی نے دینے تھے۔وہ کمپنی ڈیفالٹر ہو گئی ہے اب وہ دے رہی ہے جو اس کا مارکہ ہے یعنی جیسے سوزوکی کمپنی انشورٹ کمپنی نہیں دے رہی سوزوکی کمپنی اس کے پیسے دے رہی ہے تو ایا یہ پیسے لینا مثال لاکھ روپے ہم نے بھرے ہیں اور اس میں سے بھی وہ ہم کو 80 ہزار دے رہے ہیں تو ایا یہ پیسے لینا بہتر ہے یا نہیں ذرا اس بارے میں رہنمائی فرما دیجیے جزاک اللہ خیر
مارکہ جو ہے وہ ہے سوزوکی ٹھیک ہے سوزوکی کمپنی سے ہی لی ہے یہ ان کی پالیسی ہے انشورنس کی اور انشورنس کمپنی جو ہے وہ ڈیفالٹ کر رہی ہے ڈیفالٹر جو ہے وہ انشورنس کمپنی ہوئی ہے اور پیسے جو دے رہی ہے وہ سوزوکی کمپنی دے رہی ہے ٹھیک ہے اور پیسے بھی وہ دے رہے ہیں جو ہم نے مثالیں بھرے ہیں مثالیں ہم نے اگر لاکھ روپے بھرے ہیں تو لاکھ روپے میں سے بھی وہ 20 ہزار روپے کاٹ کے ہمیں 80 ہزار روپے دے رہے ہیں ٹھیک ہے تو ایا یہ لینا ہمارے لیے شرعی طور پر کیسا ہے یہ بتا دیں۔ کیونکہ پیسے وہی ہیں جو ہمارے بھرے ہوئے ہیں ٹھیک ہے

اَلجَوَابْ بِاسْمِ مُلْہِمِ الصَّوَابْ

مروجہ انشورنس حرام ہے کیونکہ اس میں سود اور جوا دونوں پائے جاتے ہیں، "سود" اس اعتبار سے ہے کہ حادثہ کی صورت میں جمع شدہ رقم سے زائد رقم ملتی ہے اور زائد رقم سود ہے اور "جوا" اس اعتبار سے ہے کہ اگر حادثہ وغیرہ نہ ہو تو جمع شدہ رقم بھی واپس نہیں ملتی، انشورنس کمپنی اس رقم کی مالک بن جاتی ہے۔

اسی طرح اس میں جہالت اور غرر ( دھوکا) بھی پایا جاتا ہے، لہذا اسکوٹر کی انشورنس کرانا شرعاً ناجائز اور حرام ہے، البتہ ذکر کردہ صورت میں جمع کرائی گئی اصل رقم واپس لینا جائز ہے ۔

حوالہ جات

القرآن:(90:5 المائدہ)*
﴿ يَآ أَيُّهَا الَّذِينَ اٰمَنُوآ اِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُون﴾

*الشامیة:(403/6،ط: دارالفکر)*
"القمار ‌من القمر الذي يزداد تارة وينقص أخرى، وسمي القمار قمارا لأن كل واحد من المقامرين ممن يجوز أن يذهب ماله إلى صاحبه، ويجوز أن يستفيد مال صاحبه وهو حرام بالنص.