فتوی نمبر : 217
نذر كا پورا کرنا

نذر كا پورا کرنا

کیافرماتے ہیں مفتیان کرام اس مسئلہ کے بارے میں کہ میں نے نذر مانی تھی کہ اگر میرا فلاں کام ہوگیا تو میں چالیس دن اللہ تعالیٰ کے راستے میں لگاؤں گا۔ حالات کے پیش نظرمیرے چالیس دن کے لیے جانا کافی مشکل ہے۔ اب میں چاہتاہوں کہ ان چالیس دنوں میں میرا جو خرچہ ہوگااسے کسی مدرسے میں دے دوں تو کیا اس طرح میری مانی ہوئی نذر پوری ہوجائے گی یااس کی اور کوئی جائز صورت ہو تو ارشاد فرمائیں ۔

اَلجَوَابْ بِاسْمِ مُلْہِمِ الصَّوَابْ

نذر کے صحیح ہونے کے لیے لازم ہے جس چیز کی نذرمانی جائے اس کے جنس میں سے کوئی فرض یا واجب ہو، مثلاً نماز روزہ حج وغیرہ ،لہذاپوچھی گئی صورت میں چالیس دن اللہ کے راستے میں لگانا(تبلیغی جماعت میں وقت لگانا) شرعاً فرض یا واجب نہیں ، لہذا نذربھی شرعاً منعقد نہیں ہوئی ،اس لیے چالیس دن لگانا لازم نہیں۔

حوالہ جات

الهندية:(2/ 66، ط:دارالفكر)
قال: إن فعلت كذا فلله علي أن ‌أضيف ‌جماعة قرابتي فحنث لا يلزمه شيء.